بهاء الدين يوسف
بهاء الدين يوسف حجازي ، مولود يوم التلات 20 ابريل سنة 1999 ، مصري الجنسية من أب و أم مصريين لأن المصري لا يأتي إلا بتلك الطريقة من خلال أثنين مصريين ، إما ان كان لك فرد غير مصري في عملية إيجادك في الكون فهتكون مصري و حاجة تانية ، بدرس هندسة في جامعة النيل الأهلية، قسم حاسبات ، مُسلم سُني و مُحب لفقه الأمام الشافعي ، قارئ للتاريخ و السياسة و الدين و الأدب و الفلسفة و مُحب جداً لنجيب سرور و كل ذلك أمي بتصنفه على أنه وجع القلب او وجع الدماغ و لذلك أنا متخصص في وجع القلب و الدماغ، ليا في الكورة و مش بكتب في الكورة ، بحب برشلونة و مانولاس و أوريجي و هخه ، بصنف نفسي أني ليبرالي من قبل ما يعملوا اللي عملوه في تويتر اللي منهم لله ، و أخر ما أود قوله في هذه النبذة التعريفية ، اني كتبتها بالعامية عشان نقرب من بعض اكتر و مراعاة لسني اني بمر بعشريناتي و لذلك حابب يكون كلامي عن نفسي خفيف ، مساء الخير او صباح الخير ، و اتمنى في وقت ما نشرب كوباية شاي ولا فنجان قهوة مع بعض .. العواف.
فلترة